Consultation

XX, folios:223
Briançon, Louis de
M. de Gordes
Lettre non liée
04/03/1573
Grane
Grenoble

Transcription

Les mots surlignés font l'objet d'une note

1

Reçue à Grenoble, le 06 mars 1573. Répondue.

2

Monseigneur, comme je suis de retour de faire les monstres des compaignies dont

3

monsieur Lionne vous peult avoir rendu raison la nouvelle du Pouzin survint,

4

que fut cause que soudain je me vins jecter en ce chasteau où j’ay

5

depuis demouré en grande peine, tant pour le peu de moyen que l’on a de le

6

bien garder que pour le grand effroye du peuple, lequel a esté et est

7

encores tel que chescun fuit, mesmes des villages eslongnez du Rosne

8

de plus de quatre lieues, si bien que si vous ne venez bien tost, il est

9

à craindre que vous ne soyez en grande peine, veoire telle que vous

10

n’y donerez pas ordre quant vous vouldrez. Et parce que je m’asseure

11

que bien tost vous y viendrez donner ordre, mesmes par les lettres

12

que vous avez escriptes à monsieur de Rousset, lequel je veis dimenche

13

à Loriol, je ne vous en feray plus long discour, seullement vous

14

suppliray très humblement que s’il vous vient occasion de lever nouvelles

15

forces, vous ayez souvenance de mon frère. Surce je me recommande

16

très humblement à votre bonne grace, et prye Dieu,

17

monseigneur vous avoir en sa saincte garde. De Grane, ce IIIIe mars

18

1573.

19

Votre très humble serviteur

20

L. de Brianson

21

22

[brouillon de réponse de M. de Gordes]

23

Monsieur de Briansson, j’ey receu votre lettre escrite à Grave du IIIIe de mars. J’ay

24

entendu de monsieur Lionne ce qui a esté faict pour les monstres des compagnies. Je ne doubte

25

poynt que n’ayés esté en peyne ayant receu la nouvele de la saysie du Pousin,

26

mays par les advis que j’ay iusques à ceste heure, le moyen que j’ay ordonné

27 pour la garde du chasteau de Grane doybt estre suffisant [barré : par] pourveu 28

que le nombre y soyt, si aussi ceulx qui sont dedans ne se veullent

29

effrayer comme a fayct le peuple eslongné du Rosne de quatre leues

30

ou plus comme vous m’escrivés et sy vous dyray que encores que je

31

ne soys et que je n’y aille sy tost que je vouldroys byen, j’espère en Dieu

32

et à l’ordre que monsieur de Rosset

33

y a donné et donnent que

34

tels effrayez reprendront asseurance ;

35

et quant à la prière

36

que me faytes pour votre frère,

37

vous avez souvenance de ce que je vous dis lors que nous en discourions ensemble.

38

Et en cest endroyt, je me recommande à votre bonne grace d’aussi bon cueur etc.

Loading...